Asia-Pacific Amateur Championship ဂေါက်သီးရိုက်ပြိုင်ပွဲသို့ မြန်မာဂေါက်သီးရိုက်အားကစားအဖွဲ့ ဝင်ရောက်ယှဉ်ပြိုင်မည်
- 1 view
09/13/2025
UAE နိုင်ငံ Emirates Golf Club in Dubai ၌ အောက်တိုဘာလ ၂၃ ရက်မှ၂၆ ရက်အထိ ကျင်းပမည့် Asia-Pacific Amateur Championship ဂေါက်သီးရိုက်ပြိုင်ပွဲသို့ မြန်မာလက်ရွေးစင် ကစားသမား နှစ်ဦးဖြစ်သော ကျော်ကိုကိုချစ်နှင့် ဟိန်းနိုင်ဇင်တို့သည် World Amateur Golf Ranking (WAGR) အဆင့်သတ်မှတ်ချက်ဖြင့် ဝင်ရောက်ယှဉ်ပြိုင်မည်ဖြစ်ကြောင်း သိရသည်။
Asia-Pacific Amateur Golf Championship ဂေါက်သီးရိုက်ပြိုင်ပွဲသည် အာရှဒေသတွင်း အဆင့်မြင့်မားသည့် အပျော်တမ်း ဂေါက်ပြိုင်ပွဲတစ်ခုဖြစ်ပြီး အာရှဒေသတွင်းနိုင်ငံများနှင့် သမုဒ္ဒရာပိုင်း ဇုန်နိုင်ငံများမှ ဂေါက်သီးရိုက်အားကစားသမားများ ဝင်ရောက်ယှဉ်ပြိုင်မည်ဖြစ်သည်။ ယင်းပြိုင်ပွဲကို ၂၀၀၉ ခုနှစ်တွင် စတင်ကျင်းပခဲ့ပြီး နှစ်စဉ်နီးပါးကျင်းပခဲ့သည့် ပြိုင်ပွဲတစ်ခုလည်း ဖြစ်သည်။
မြန်မာနိုင်ငံဂေါက်သီးအားကစားအဖွဲ့ချုပ်သည် ကစားသမားများ ပြိုင်ပွဲအတွေ့အကြုံ ရရှိစေရန် နိုင်ငံတကာပြိုင်ပွဲများသို့ စေလွှတ်ယှဉ်ပြိုင်စေလျက်ရှိပြီး Asia-Pacific Amateur Golf Championship ဂေါက်သီးရိုက်ပြိုင်ပွဲမှာ အဆင့်မြင့်ပြိုင်ပွဲဖြစ်သောကြောင့် မြန်မာဂေါက်သီးရိုက် အားကစားသမားများ အကျိုးရှိမည့် ပြိုင်ပွဲတစ်ခုဖြစ်ကြောင်းလည်း သိရသည်။
